Иш ҳақи сақланмайдиган таътил

Иш ҳақи сақланмайдиган таътил деганда ишчининг иш ўрни (лавозими) сақланиб қолган ҳолда ҳақ тўланмайдиган таътил тушунилади.

Ишчининг ёзма аризасига кўра унга иш ҳақи сақланмайдиган таътил берилиши мумкин бўлиб, унинг давомийлиги ишчи ва иш берувчи ўртасидаги келишувга кўра белгиланади, лекин у бир календарь йили давомида жами 3 ойдан ошмаслиги керак.

Карантин чоралари амалга оширилаётган, фавқулодда ҳолат жорий этилган даврда ишчининг ёзма аризасига кўра иш ҳақи сақланмайдиган таътилнинг жами давомийлиги 6 ойгача кўпайтирилиши мумкин.